Քանդակագործություն

Քանդակագործության բաժինը Փ. Թերլեմեզյանի անվան գեղարվեստի պետական քոլեջի հնագույն և հիմնական բաժիններից մեկն է, որտեղ ժամանակին դասավանդել են վարպետներ Վաղարշ Մելիք-Հակոբյանը, Կարո Հալաբյանը, Արա Սարգսյանը, Սուրեն Ստեփանյանը, Ստեփան Թարյանը և այլ մեծանուն քանդակագործներ: Տարիներ շարունակ այստեղ դասավանդվում է ակադեմիական դպրոցի քանդակագործության ավանդույթներն ու խնդիրները, ինչպես նաև կիրառվում են մեր երախտավոր քանդակագործ-դասախոսների կողմից մշակված և հաստատված ուսումնական ծրագրերը: Այդ ծրագրերում՝ հիմնական մասնագիտական առարկաների, անատոմիայի և տեխնոլոգիայի դասաժամերին զուգահեռ, հատուկ տեղ է հատկացվում բնորդի անատոմիական ուսումնասիրմանը, ամառային աշխատանքներին (հիմնականում ամառային աշխատանքները կատարվում են ուսումնական շենքի բակում հատուկ հատկացված տարածքում), որոնք որպես ավանդույթ ցուցադրվում են տարեվերջյան հաշվետու ցուցահանդեսներին: