Քանդակագործություն

Քանդակագործության բաժինը Երևանի Փ. Թերլեմեզյանի անվան գեղարվեստի պետական քոլեջի հնագույն և հիմնական բաժիններից մեկն է։ Տասնամյակների ընթացքում բաժնում ձևավորվել և պահպանվել են ակադեմիական քանդակագործության դպրոցի ավանդույթներն ու մասնագիտական մոտեցումները՝ շարունակաբար զարգանալով ժամանակակից կրթական պահանջներին համապատասխան։

Ուսումնական գործընթացում, հիմնական մասնագիտական առարկաներին, անատոմիայի և տեխնոլոգիայի դասընթացներին զուգահեռ, հատուկ տեղ է հատկացվում բնորդի անատոմիական ուսումնասիրությանը և գործնական  աշխատանքներին։

Ուսումնական գործընթացը միտված է մասնագիտական հիմնարար գիտելիքների և գործնական հմտությունների ձևավորմանը, ինչպես նաև ուսանողների ստեղծագործական մտածողության և անհատական գեղարվեստական մոտեցման զարգացմանը։